Dä warmi Atem vom Pony z gspürä, s kuscheligä Fälli z gmerkä, sich i dä Mähnä vom Pony vergrabä isch für diä meischte Chind es glücklichs Erläbniss. Bi jedem Wätter dusse z sie, z erläbä das jedes Wätter sin eignigä Reiz hed und es vieli Möglichkeite gid, niwi Spieli z entddeckä, cha dä Chind viel Freud machä.
D Pony's wärdid vo dä Chind putzd, pflegt und gsattlet. Uf spielerischi Art lehred sie de Umgang mit em Pony.
D Spielgruppä trifft sich immer am Donnschtig morgä vo 8.45 bis 11.15 Uhr, uf em Hof Oberimatt in Giswil, um mitenand z Riitä, spielä, troimä, baschtlä und z wärchlä.
D Ponyspielgruppä isch für alli Rossbegeischtertä Cind ab drü Jahr.
*S Sälbstvertruiwä sterchä wiä das vo dä Pipi Langstrumpf
*Dä natürlich Umgang mit de Tiär erfahrä
*Verantwortig i dä Gruppä ubernäh
*D Natur mit allnä Sinn wahrnäh
*Ufem Pony spielerisch s Glichgwicht und d Motorik iäbä
* Putzä, sattlä, pflegä vo dä Pony's
* Füehrä und Riitä
* Baschtlä mit Naturmaterialiä
* Dä Wald erkundä mit de Pony's
* Gschichtli läsä
* und no vieles meh.......
Pro Spielgruppä wettid miär nid meh als acht Chind. D Chind chend Spielgruppä früehstens mit 2,5 bis 3 Jahr bsiochä. da diä körperlichä Aforderigä grösser sind als innerä normalä Spielgruppä.
Dä Itritt isch jeder Zyt meglich sofärn ä Platz frii isch. I dä Regel wird am Afang vom ne niwä Schueljahr d Gruppä bildet.
Dr Spielgruppämorgä koschted pro Mal 27 Frankä.
Dr Gsamtbetrag ( Azahl Vormittag x 27 Fr.) isch am Afang vom Semeschter fällig.
1. Semeschter * nach de Summerferiä bis zur Fasnachtsferiä
2. Semeschter * nach de Fasnachtsferiä bis zur Summerferiä
Frii und Fiirtigä richted sich nach em Schuelplan vo Giswil
S wichtigscht isch en Riit- oder Velohelm.
Znüni nimmt jedä sälber eppis feins mit.
Winter: i dä chaltä Jahreszyt eignet sich de "Zwibelä-look" am beschtä. So chamä immer wider ei Schicht a- oder abzieh. En altä Skiazug, am beschtä zweiteilig. Gioti, warmi, wasserdichti Schueh.
Summer: immer gued mit Sunnäcremä igremet isch wichtig. Bi usicherem Wätter bitte im Rucksack Rägäkleider mitgäh. Gioti am beschtä knöchelhöchi Schueh. Guet mit Zächäspray isprayä.